И.Н.Жирокв аатына Дүпсүн орто оскуолата уонна олохтоох библиотека сэтинньи 27 күнүгэр оскуола аактабай саалатыгар сруйааччы, поэт, фронтовик Тимофей Егорович Сметанин 105 сылыгар аналлаах бөлөҕүнэн хоһоон күрэҕин ыыттылар. Бу күрэххэ оскуола үөрэнээччилэрэ, нэһилиэк олохтоохторо кытыннылар. Күрэх ирдэбилинэн хоһоону иэйиилээхтик, дорҕоонноохтук өйтөн ааҕыы. Кыттааччылар толорор таһымнара, сценическай культуралара, уобараска сөп түбэһэр таҥастара сыаналанна. Дьүүллүүр сүбэнэн «Дүөндү» сынньалан киин үлэһиттэрэ эппиэтинэстээхтик, сөптөөхтүк сыаналаатылар. Бөлөҕүнэн ааҕыы түмүгүнэн оскуола үөрэнээччилэригэр алын сүһүөххэ маҥнайгы миэстэни 4 кылаас, иккис миэстэни 1 кылаас, үһүс миэстэни 2 кылаас, орто сүһүөххэ маҥнайгы миэстэни 6 кылаас, иккис миэстэни 7 кылаас, үһүс миэстэни 8 кылаас, улахан сүһүөххэ маҥнайгы миэстэни 9 кылаас, иккис миэстэни 10 кылаас, үһүс миэстэни 11 кылаас ылары ситистилэр. Улахан дьоҥҥо маҥнайгы миэстэни Орто оскуола учууталлара, иккис миэстэни «Далбар» үҥкүү ансаамбыла, үһүс миэстэни «Кэскил» уһуйаан иитээччилэрэ ыллылар. Кыайыылаахтар минньигэс бириистэринэн, анал ааттарынан, эҕэрдэ суруктарынан наҕараадаланнылар. Кыттааччыларга истиҥ махталбытын, кыайыылаахтарга эҕэрдэбитин тиэрдэбит. Өссө да куруутун маннык көхтөөх буолун диэн ыҥырабыт.