Василий Иванович Босиков-Василий Босяк

Саха Республикатын үтүөлээх учуутала, Учууталлар учууталлара, суруйааччылар союзтарын чилиэнэ, поэт Василий Иванович Босиков - Василий Босяк 1946 сыллаахха олунньу 7 күнүгэрУус-Алдан Дүпсүнүгэр төрөөбүтэ. 1953-1964 сылларга Дүпсүн орто оскуолатыгар үөрэммитэ, онтон 1966 сылга Мүрү орто оскуолатын бүтэрбитэ. Оскуолаҕа үөрэнэ сылдьан, саха тылын, литературатын учуутала Рея Павловна Максимова  сабыдыалынан төрөөбүт литературатын  таптаабыта, айар үлэҕэ умсугуйан барбыта. Рея Павловна тэрийбит литературнай куруһуогун актыыбынай чилиэнэ буолбута. Онно бастакы хоһоонноругар айылҕаны тыыннааҕымсытан, уобарастаан этэргэ холонуутун учуутала сэргээн, суруйар баҕатын күөдьүппүтэ. Бу куруһуогу салгыы Алексей Иванович Сивцев, сахатылын, литературатын учуутала, үлэлэппитэ. «Дүпсүн кыымнара» диэн истиэнэ хаһыатын уонна илиинэн суруллар сурунаалы таһаарар буолбуттара. Манна Вася маӊнайгы хоһоонноро тахсыбыттара. Кэлин, Вася 9 кылааска үөрэнэ сырыттаҕына, саха биир талааннаах поэта Василий Тарасович Сивцев, эмиэ саха тылын учуутала, литературнай куруһуогу иилээн-саҕалаан үлэлэппитэ. Ону-маны билэр баҕалаах, тылынан оонньуу сатыы сылдьар оҕону поэт бэйэтэ үөрэппитэ, хоһооннорун ырыппыта, поэзия эйгэтигэр угуйбута. Вася хоһооннорун республика радиотыгар ыыттарбыта, «Бэлэм буол», «Эдэр коммунист» хаһыаттарга бэчээттэппитэ. 1968-1973 сылларга Саха государственнай университетын историко-филологическай факультетын саха салаатыгар үөрэммитэ. Манна бэйэтин курдук санаалаах, сүрдээх дьоҕурдаах, талааннаах уолаттары, кыргыттары кытта билсибитэ. Олор ортолоругар бааллара: Варвара Потапова, Василий Дедюкин, Егор Неймохов, Иннокентий Сыроватскайо.д.а.  Ким эмэ хоһооно хаһыаттарга, «Хотугу сулуска» бэчээттэмитин ырытыһаллара. Ити сылларга Василий Босиков «Эдэр коммунист» хаһыат иһинэн суруйааччы Анастасия Сыромятникова салайар «Хомус» түмсүүгэ сылдьыбыта, айардьоҕурун салгыы сайыннарбыта.Василий Босяк 1964сылтан поэт быһыытынан биллэн барбыта. 1991 сылтан ССРС суруйааччыларын чилиэнэ.Аан маӊнайгы хоһоонун иккис кылааска үөрэнэ сылдьан суруйбута. Учууталлара Рея Павловна, Алексей Иванович кыракый уолчаан айар баҕатын күөдьүппүттэрэ, поэзия эйгэтигэр  угуйбуттара. Маны таһынан, сахалыы уус тыллаах эбэтэ Мария Николаевна уонна убайа Николай Афанасьевич олук уурбуттара. Эбэтин эӊин дьикти остуоруйаларын, былыргы номохторун умсугуйан истэн улааппыта. Оттон убайа Николай Босиков нөӊүө алтыс-сэтти скылааска үөрэнэ сылдьан саха биллиилээх поэттарын, суруйааччыларын кытта көрсүбүтэ. Ол айар үлэ аартыгар тахсарыгар эмиэ улахан суолталааҕа.Ааҕаччыларга «Дьылҕам дьолтон матарбатар» («Кутаатула», 1983 с.), «Угуйарсаҕах» (1988 с.), «Сүгүрүйэбиниккикүүскэ: ТылгауоннаТапталга» (1990 с.), «Барытаэйиэхэананар» (1992 с.), «Эн мичээриң» (сахалыы, нууччалыы, французтуу, 199ҕ с.), «Уолукпароргуйарсанаалар» (1996 с.), «Суруллубутсуоруллубат» (ыстатыйалар,этиилэр,  ахтыылар, 2002 с.), «Ырасанаамкыната» (2008 с.) кинигэлэринэн, «Куккункуоттарыма, сүргүнсүтэримэ» Айыыүөрэҕэраналлаахальбомунанбиллэр.Василий Босяк сүнньүнэн кылгас хоһооннору суруйара. Хоһоонноро төһө да кылгастарын иһин, хас биирдии киһи олоҕор билбит, сүрэҕин долгуппут, өйүгэр хатаммыт түгэннэр суруллубут буолан, ааҕааччыга тиийимтиэлэр, өйдөнүмтүөлэр. Кини поэзиятыгар таптал темата баһыйдар да, олох уустук, сыты боппуруостарын арыйар дириӊ суолталаах хоһооно аҕыйаҕа суох.2008 сыллаахха муус устар 29 күнүгэр ырахан ыарыыттан олохтон туораабыта.