В.В. Никифоров олоҕо уонна үлэтэ.

       1866 - ыам ыйын 18 күнүгэр Дүпсүн улууһун Тэбиик нэһилиэгэр төрөөбүтэ.

       1885 -  Якутскайдааҕы    6   кылаастаах        прогимназияны   бүтэрбитэ.

       1891 – 1893 – Дүпсүн улууһугар улуус кулубатынан үлэлээбитэ.

       1893 – Дүпсүн Томторугар тус бэйэтин үбүнэн 6 хостоох  церковнай – приходской оскуола дьиэтин туттаран үлэҕэ киллэрбитэ.

       1894  -  1896  Сибиряковскай экспедицияҕа кыттыбыта.

       1896 – Якутскайга статистика кабинетыгар үлэлээбитэ.   Бу сыл Нижнэй  Новгородка  Бүтүн  Россиятааҕы художественнай  промышленнай  быыстапкаҕа  П. П. Семенов – Тянь-Шанскай салалтатынан Саха сирин көрдөрбүтэ.

       1897 – Якутскайга босхо үлэлиир научнай библиотеканы тэрийсэр уонна салайсар.

       1897 – 1898 – Үөрэх сылыгар Маслов аатынан министерскай  оскуола аһылларын ситиспитэ.

       1900 – П. Н. Сокольниковы кытары үп – харчы хомуйан, Э. К. Пекарскай  «Сахалыы – нууччалыы кылгас тылдьытын» бэчээттэтиини ситиспитэ.

       1905 – « Сырдык» диэн үөрэҕи, культураны тарҕатар түмсүүнү тэрийбитэ.

       1905 – «Сахалар  союзтарын» тэрийбитэ. Бу үлэтин иґин ыраахтааҕы былааһынан тутуллан хаайыллыбыта.

       1906 – 1907 – Хаайыыга балтараа сыл олорбута. Онно «Манчаары» драманы суруйбута.

       1907 – дьадаҥы сахаларга киэһээҥҥи оскуола астарар.

       1907 – 1908 – «Саха кыраайа» уонна «Саха олоҕо» диэн хаһыаттарга «Манчаары» драмата хас да нүөмэргэ тахыбыта.

       1912 – 1913  - «Саха саҥата» диэн уус-уран общественнай- политическай  сахалыы  маҥнайгы  сурунаалы  таһаарбыта.

       1913 – Романовтар саарыстыбалара 300 сыла туолуутун бырааһынньыктааһыҥҥа  Саха сириттэн депутация састаабыгар киирэн сахалар олохторун – дьаһахтарын ырытан 14 сахалар тустарыгар туруорсуу суруктары              бэлэмнэспитэ.

       1914 – Петербурга начальнай үөрэхтээһин боппуруостара дьүүллэһиллибит съеһигэр дакылаат оҥорбута.

       1916 – 1917 – «Якутские новости» диэн хаһыаты таһаарбыта. Нуучча улуу суруйааччыларын Л. Н. Толстой, Н. В. Гоголь айымньыларын тылбаастаабыта. «Васин, «Күлүмнүүр», «Якут» диэн псевдонимнарынан Саха сирин, Сибиир хаһыаттарыгар ыстатыйалара бэчээттэнэн барбыттара.

       1919 – бэс ыйын саҥатыгар Омскайга Үрдүкү правитель А. В. Колчак бэйэтинэн  тэрийбит  государственнай, экономическай мунньаҕар Саха сириттэн делегат быһыытынан сылдьыбыта. Колчакка тус бэйэтигэр приемҥа сылдьан, үгүс  туруорсуулары оҥорбута.

• ахсынньыга хаайыллан баран, 1920 с. атырдьах   ыйыгар  Р. Оросины кытта көскө утаарыллыбыта.

        1924 – Илиҥҥи норуоттар издательстволарын эппиэттиир  секретарынан  ананан, сахалыы кинигэлэри  бэчээттээһини  тэрийбитэ.

• Профессордары, академиктары кытары «Северная Азия»

сурунаал  редколлегиятыгар киирбитэ.

• Коминтерн V    конгреһын    делегаттара  пролетарскай

литературалар  сибээстэґиилэрин  аан  дойдутааҕы  бюротун састаабыгар сахалартан  П. А. Ойуунускайы  уонна  В. В. Никифоровы  киллэриилэрэ.

• ССРС Наукаларын Академиятын саха транскрипциятыгар

комиссиятын үлэтигэр кыттыбыта. Кини онно Саха сиригэр демографическай,  дозиметрическай  чинчийиилэринэн  дьарыктаммыта.  Москва, Ленинград музейдарыгар 400-тэн тахса экспонаттары, хаартыскалары хомуйан биэрбитэ.

      1927– Саха сиригэр «Всеохотсоюз» боломуочунайынан ананар.

      1927 – балаҕан ыйын 18 күнүгэр   Якутскайга  ГПУ-ларынан  тутуллан  хаайыллыбыта.

      1928 – атырдьах ыйын 21 күнүгэр ОГПУ коллегиятынан ытылларга ууруллубута, ону 10 сыл болдьохтоох хаайыынан солбуйбуттара.

      1928  балаҕан ыйын 1 күнүгэр «Кэриэс сурук»  суруйбута  уонна балаҕан ыйын 15 күнүгэр  Новосибирскай куорат лааҕырын балыыһатыгар өлбүтэ.