https://duondu.ru/?p=987_

ӨРӨГӨЙ ҮРДЭЭТЭ*, *САРГЫ ДЬААЛЫ САЛАЛЫННА* *ДҮПСҮҤҤЭ САХА АССР ТЭРИЛЛИБИТ ҮБҮЛҮӨЙДЭЭХ 100 СЫЛЫН УРУЙДААН - АЙХАЛЛААН КӨРҮСТҮБҮТ. 191 киһи кыттыылаах САХАЛЫЫ ТАҤАСТААХ ХААМЫЫНЫ Уус - Алдан баһылыгын бастакы солбуйааччыта Петр Степанович Сивцев, Дүпсүн нэһилиэгин баһылыга Николай Николаевич Сивцев, Дүпсүн нэһилиэгин баһылыгын солбуйааччыта Иван Иванович Федоров салайдылар. Толору сахалыы симэхтээх, Саха ытыктыыр сүгүрүйэр,Саханы саха дэппит дьөһөгөй оҕолоро арыаллаан хаамтарбыттара таһымы үрдэттэ, үөрүүнү үксэттэ! Россия уонна Саха былааҕын тутан, аттары миинэн киллэрдилэр Дүпсүн нэһилиэгин эр бэртэрэ - ГЕННАДИЙ АТЛАСОВ, ВЯЧЕСЛАВ КУДРИН. Дүпсүннэр ытык киһибит, тыыл үлэ бэтэрээнэ, Уус-Алдан улууһун уонна Дүпсүн нэһилиэгин бочуоттаах олохтооҕо, Саха өрөспүүбүлүкэтин тыа хаһаайыстыбатын үтүөлээх зоотехнига, кырдьаҕас коммунист Сивцева Татьяна Константиновна тыл этэн, биир дойдулаахтарын эҕэрдэлээтэ. Үөрүүлээх быһыыга майгыга, Уус - Алдан улууһун баһылыгын бастакы солбуйааччыта Петр Степанович Сивцев Дүпсүн нэһилиэгин баһылыгар Махтал суругу туттарда, ону тэҥэ, Саха өрөспүүбүлүкэтин Ил Дархана анаабыт 100 сыллаах үбүлүөйдээх знагын Дүпсүн нэһилиэгин олохтооҕугар ШЕЛКОВНИКОВА АГРАФЕНА ГАВРИЛЬЕВНАҔА туттарда Саха сиринээҕи олохтоох бэйэни салайыныы Россиятааҕы советын Махтал суругунан Дүпсүн нэһилиэгин соц.үлэһитэ МААЙА НИКОЛАЕВНА ПРИБЫЛЫХ наҕараадаланна. Бары биир сомоҕо буолан, Саха АССР төрүттэммит үбүлүөйдээх 100 сыллааҕы тэрээһинигэр көхтөөхтүк кыттан, үйэлэргэ хаалар историяҕа киирэр өйдөбүнньүк түгэҥҥэ кыттыспыппытыттан киэн туттабыт!

*САХА БУОЛАН САНДААРЫН* *КИҺИ БУОЛАН КИЛБЭЙИҤ* *ӨРӨСПҮҮБҮЛҮКЭБИТ САЙДАРЫН ТУҺУГАР* *ҮҮНҮӨҔҮҤ, ҮЛЭЛИЭҔИҤ!* УРУЙ АЙХАЛ! АЙХАЛ МИЧИЛ!

Саха Өрөспүүбүлүкэтин VIII спортивнай оонньуулара саҕаланаллара 100 күн хаалбытынан Дүпсүннэртэн эҕэрдэ!

Дүпсүн сириттэн Дүөндү кэриилэрэ

Күүстээхтэн - күүстээхтэри Күлүмнэтэ көрүлэтэн,

Өйдөөхтөн - өйдөөхтөрү өрө таһааран-

Кэнчээри ыччатын кэскилин уһанар,

Дүпсүн нэһилиэгин спорду таптааччылара, чулуу спортсменнара!

https://duondu.ru/?p=892

 
 
 

 

Биир дойдулаахпыт, поэт, сатирик, өрөспүүбүлүкэҕэ биллэр учуонай Виктор Федорович Афанасьев - Алданскай төрөөбүтэ 105 сылыгар аналлаах биэриири көрөргүтүгэр ыҥырабыт.

https://duondu.ru/?p=883

 

 

Мария Михайловна 1946 сыллаахха бэс ыйын 7 күнүгэр Мэҥэ-Хаҥалас улууһугар Бөкө нэһилиэгэр Избекова Татьяна Дмитриевна, Захаров Михаил  Михайлович дьиэ кэргэнигэр биэс бииргэ төрөөбүттэртэн төрдүс оҕонон төрөөбүтэ.

Оскуоланы 1965 сыллаахха бүтэрээт Бүлүү педагогическай училищетын 1967 сыллаахха бүтэрээт СГУ үөрэххэ киирбитэ 1972 сыллаахха бүтэрбитэ. 1967 сыллаахха Танда оскуолатыгар учууталынан ананан үлэлии кэлбитэ. 1968 сыллаахха Мүрү оскуолатыгар үлэлиир. 1969 сылтан Дүпсүҥҥэ кэргэн тахсан кэлэн Дүпсүн оскуолатыгар үлэлээбитэ. Дүпсүҥҥэ кэлиэҕиттэн нэһилиэк самодеятельноһыгар активнайдык кыттар. Ол курдук үҥкүү буоллун сценкаҕа, ансаамбылга, дуэт толоруута, төрдүө буолан чабырҕахтаан лауреат үрдүк аатын сүгэн республикаттан грамота ылбыттара, хомус ансаамбылыгар эмиэ. 1982 сыллаахха Лаврентий Петрович  «Күн Эрэли» диэн олоҥхотун туруоран онно олоҥхолуу сылдьыбыта, радиоҕа, телевизорга уһуллубуттара, оччолорго сүрдээх сонун курдук этэ. Бу олоҥхоҕо Алексеева Светлана Иннокентьевна, Анфиса Киренская, Роман Семенович Прибылых, Алексеев Дмитрий Ильич.

Аан дойдуга, республикаҕа биллэр, «Ситим» диэн улахан дьоццо, оҕолорго «Кэскил» хомус уолаттар ансаамбылларын тэрийэн күн сириттэн барыар диэри олус таһаарыылаахтык үлэлээбитэ. “Кэскил” уолаттар ансаамбыллара элбэх күрэхтэһиилэргэ омук сирдэринэн ситиһиилэнэн образцовай ааты ылбыттара. Ансаамбыл солииһа Алдан Рожин импровизатор хомусчут аатын ылбыта, солист Спиридон Иванов хомус оҥорон эрэр. Хомус уустарын күрэҕэр кыттыыны ылар. Алдан Рожин туойан ыллыыр, олоҥхолуур, оһуохай этэргэ холонор. 2017 сыллаах ыһыахха олоҥхону ыччаттар бөлөҕүнэн толорон Чыпчаал этээччи аатын ылан кэлбиттэрэ сүрдээҕин үөрдүбүтэ. Мария Михайловна ансаамбылын уолаттарыгар ийэлии истиҥ сыһыаннааҕа, устудьуоннуу да сылдьар оҕолорун куруук сураһара. Ансаамбылга сылдьыбыт уолаттар хомус кэрэ эйгэтин кытта арахсыспакка билигин да хомустарын дьиэрэһитэн араас күрэхтэ кыттан Мария Михайловналарын аатын ааттата сылдьаллара истэргэ олус үчүгэй. Ити курдук Дүпсүн нэһилиэгэр үгүс дьону хомус кэрэ эйгэтигэр уһуйбут үтүө киһибит аата үйэлэргэ өлбөөдүйбэтин. Саха алыптаах хомуһун тыаһа үйэлэргэ сайда турдун өссө талааннар тахсан истиннэр.