Олунньу 1 күнүгэр Дойдуга тапталы иҥэрэн "Сардаҥа" уһуйаан иитиллээччилэригэр библиотечнай иһитиннэрии, сэһэргэһии уруога ааста. Оҕолор медиапрезентацияннан Саха сирин айылҕатын пааматынньыктарын кытта билистилэр, сөптөөх кинигэлэри сэҥээрэн көрдүлэр.

С 11 января по 18 января в Дюпсюнской школе очно, заочно проводили вместе учителями русского языка Неделю русского языка. Проведенные мероприятия: 11/01 Линейка 12/01 Библиотечные уроки 13/01 викторина по литературе 5-8, 9-11классы 14/01 конкурс рисунков « Мой любимый герой» 16/01 конкурс сочинений на темы к году труда, патриотизма и педагога. 17/01 оживление картины по иллюстрациям русских сказок 1-11 классы 18/01 Брейн ринг по классам «А знаешь ли ты русский?»

 

 

 

 

 

Дүпсүн нэһилиэгэр Олоҥхо декадатын аһыллыыта ахсынньы ый 26 күнүгэр “Дүөндү” сынньалаҥ киинигэр буолан ааста. Үөрүүлээх аһыллыы кэмигэр СР культуратын үтүөлээҕэ, Дүпсүн нэһилиэгин бочуоттаах олохтооҕо Босикова У.И алгыстаата, буруоннан ыраастаныы сиэрин-туомун ыытта. Культура кыргыттара итии алаадьынан, үүттээх чэйинэн кэлбит дьону күндүлээтилэр. Төгүрүччү туран оһуохай үҥкүүлэннэ. Ити кэннэ Дүпсүн нэһилиэгин талба талааннаах хомусчута СР үөрэҕириитин туйгуна, Дүпсүн нэһилиэгин бочуоттаах олохтооҕо Соловьева М.М сырдык кэриэһигэр “Хомус ситимэ” быыстапка арылынна. Бу быыстапкаҕа үтүө киһибит олоҕун, айар үлэтин билиһиннэрии, хаартысканнан сырдатыы буолла. Олохтоох библиотекаҕа «Олоҥхо биһигэ Уус Алдан” выставка турда.  Ахсынньы 27 күнүгэр М.М.Соловьева аатынан улуустааҕы “Хомус ситимэ”  күрэҕэ ыытылынна. Күрэххэ алта нэһилиэк, биир куорат олохтооҕо кыттыыны ылла. Ахсынньы 30 күнүгэр нэһилиэккэ бүттүүн хомус тардыыта, декада түмүктэниитэ.

 

https://duondu.ru/?p=987_

ӨРӨГӨЙ ҮРДЭЭТЭ*, *САРГЫ ДЬААЛЫ САЛАЛЫННА* *ДҮПСҮҤҤЭ САХА АССР ТЭРИЛЛИБИТ ҮБҮЛҮӨЙДЭЭХ 100 СЫЛЫН УРУЙДААН - АЙХАЛЛААН КӨРҮСТҮБҮТ. 191 киһи кыттыылаах САХАЛЫЫ ТАҤАСТААХ ХААМЫЫНЫ Уус - Алдан баһылыгын бастакы солбуйааччыта Петр Степанович Сивцев, Дүпсүн нэһилиэгин баһылыга Николай Николаевич Сивцев, Дүпсүн нэһилиэгин баһылыгын солбуйааччыта Иван Иванович Федоров салайдылар. Толору сахалыы симэхтээх, Саха ытыктыыр сүгүрүйэр,Саханы саха дэппит дьөһөгөй оҕолоро арыаллаан хаамтарбыттара таһымы үрдэттэ, үөрүүнү үксэттэ! Россия уонна Саха былааҕын тутан, аттары миинэн киллэрдилэр Дүпсүн нэһилиэгин эр бэртэрэ - ГЕННАДИЙ АТЛАСОВ, ВЯЧЕСЛАВ КУДРИН. Дүпсүннэр ытык киһибит, тыыл үлэ бэтэрээнэ, Уус-Алдан улууһун уонна Дүпсүн нэһилиэгин бочуоттаах олохтооҕо, Саха өрөспүүбүлүкэтин тыа хаһаайыстыбатын үтүөлээх зоотехнига, кырдьаҕас коммунист Сивцева Татьяна Константиновна тыл этэн, биир дойдулаахтарын эҕэрдэлээтэ. Үөрүүлээх быһыыга майгыга, Уус - Алдан улууһун баһылыгын бастакы солбуйааччыта Петр Степанович Сивцев Дүпсүн нэһилиэгин баһылыгар Махтал суругу туттарда, ону тэҥэ, Саха өрөспүүбүлүкэтин Ил Дархана анаабыт 100 сыллаах үбүлүөйдээх знагын Дүпсүн нэһилиэгин олохтооҕугар ШЕЛКОВНИКОВА АГРАФЕНА ГАВРИЛЬЕВНАҔА туттарда Саха сиринээҕи олохтоох бэйэни салайыныы Россиятааҕы советын Махтал суругунан Дүпсүн нэһилиэгин соц.үлэһитэ МААЙА НИКОЛАЕВНА ПРИБЫЛЫХ наҕараадаланна. Бары биир сомоҕо буолан, Саха АССР төрүттэммит үбүлүөйдээх 100 сыллааҕы тэрээһинигэр көхтөөхтүк кыттан, үйэлэргэ хаалар историяҕа киирэр өйдөбүнньүк түгэҥҥэ кыттыспыппытыттан киэн туттабыт!

*САХА БУОЛАН САНДААРЫН* *КИҺИ БУОЛАН КИЛБЭЙИҤ* *ӨРӨСПҮҮБҮЛҮКЭБИТ САЙДАРЫН ТУҺУГАР* *ҮҮНҮӨҔҮҤ, ҮЛЭЛИЭҔИҤ!* УРУЙ АЙХАЛ! АЙХАЛ МИЧИЛ!