Информация о материале

Автор: Super User

Улуу Кыайыы 80 сылын көрсө “Уруйдуубут Улуу Кыайыыны” нэһилиэктэр икки ардыларыгар ыытыллар фестиваль күрэҕэ Дүпсүн сиригэр олунньу 27 күнүгэр буолан ааста.

  1941 сыл бэс ыйын 22 күнүгэр сарсыарда 4 чааска сэрэтиитэ суох  фашискай Германия  Сэбиэскэй союзка сэриинэн саба түспүтэ. Аҕа дойдуну көмүскүүр сэрии саҕаламмытын туһунан сурах хас биирдии саха ыалыгар  этиҥ буолан сааллыбыта. Сэриигэ норуот  бүттүүн туруммута.  Аҕа дойдуну көмүскүүр сэрии  1418 түүннээх күн  салҕанан барбыта. Биһиги оройуоммутуттан сэриигэ 2323 киһи, биһиги нэһилиэктэн 220 киһи бэбиэскэ тутан  уоттаах сэриигэ туруммуттара. Хорсун уолаттарбыт Москва, Сталинград, Ленинград   куораттар аттыларыттан саҕалаан Берлиҥҥэ, Прагаҕа тиийэ сэриилэспиттэрэ,үлэ фронун ыарахан үлэтин тулуйбуттара. Сэриини 1945 сыллаахха балаҕан ыйыгар  Япония кыайыытынан түмүктэспиттэрэ, кыайыы көтөллөөх дойдуларыгар эргиллибиттэрэ быйыл 80 сыла. Харах уулаах ыар сылларга ууну-уоту ортотунан ааспыт, биһиги дьоллоох олохпут иһин хорсуннук турууласпыт биир дойдулаах буойуттарбыт, тыыл үлэһиттэрин сүдү ааттарыгар сүгүрүйэн үйэлээх уот кытыаста кытарда, кинилэргэ махтанан, сүгүрүйэн туран хорсун буойуттарга биир мүнүүтэлээх чуумпу уонна сибэкки дьөрбөтүн уурдулар.

И.Н.Жирков аатынан Дүпсүн орто оскуолатын 3,4 кылаас уолаттара Тимофей Сметанин «Саллаат» диэн хоһоонунан арыйдылар, салайааччылара Протопопова Р.П, Ноговицына Л.П.

- Нартахова Нарыйаана,  Соловьева Анита 8 кылаас үөрэнээччилэрэ Дүпсүн нэһилиэгин “Бессмертный материнский подвиг», “Өлбөт полк” хорсун буойуттарын туһунан билиһиннэрдилэр.

-Аҕа Дойду сэриитин кыттыылааҕын, аҕатын Шадрин Гаврил Иосифович туһунан кыыһа Прибылых Варвара Гаврильевна  туттубут малларын, кини сырыыларын туһунан олус истиҥник, долгутуулааахтык кэпсээтэ.

Выставканы иилээн-саҕалаан Бээди бөһүөлэгин олохтоох библиотекаря  Алексеева А.В. ыытта.

 Сырдык, санньыар үөрүүлээх Улуу Кыайыы 80 сыла туругурдун! Куруутун эйэлээх олох баар буоллун! Сүтүктээх, хаан тохтуулаах кырыктаах сэрии аан дойдуга суох буоллун! Ким да умнуллубат! Туох да умнуллубат!

Информация о материале

Автор: Super User

С 17 по 23 января совместно сельская модельная библиотека» и Дюпсюнский детский технопарк им. В.В. Никифорова - Кюлюмнюр провели конкурса фотографий "Читаем о войне",посвященного Дню полного освобождения Ленинграда от фашистской блокады. Цель конкурса - повышение престижа книги, чтения, позиционирование в обществе положительных образов читающих людей. Привлечение интереса молодежи к истории народа, родного края, к теме ВОВ. Приняли участие 23 учащихся и родитель Дюпсюнской СОШ им. И.Н.Жиркова.

Результаты конкурса:

1-4 классы:

1 место - Молокотин Дуолан, 4 кл, 10 лет, «Мин эһэм Кыайыыны уһансыбыт буойуттарга анаабыт кинигэлэрэ»

2 место - Лыткина Сандаара, 4 кл, 10 лет, «Читаем о войне. Таня Савичева - маленький Герой большой войны. Помним, скорбим...»

3 место - Спиридонов Марк, 4 кл, 10 лет, «Биир дойдулаахтарбыт сэрии  толоонугар эйэлээх олох иһин кыргыспыттарын, бу кинигэлэртэн ааҕабыт»

5-8 классы:

1 место - Нестерова Нарыйаана, 7 кл, «Вместе с папой чтим память героев - воинов с Орденом Славы нашего улуса. Низкий поклон за их подвиг!»

Сертификат участника: Копырина Намира, Бурнашева Кюннэй, Стручков Никита

Информация о материале

Автор: Super User

Сырдык, санньыар үөрүүлээх Улуу Кыайыы 80 сылын арыйа Остуойка учаастагын олохтоохторо Кыайыы пааматынньыгар үбүлүөйдээх сылы көрсө харах уулаах ыар сылларга ууну-уоту ортотунан ааспыт, биһиги дьоллоох олохпут иһин хорсуннук турууласпыт буойуттарбыт, тыыл үлэһиттэрин сүдү ааттарыгар сүгүрүйэн үйэлээх уот кытыаста кытарда, кинилэргэ махтанан, сүгүрүйэн хорсун буойуттарга ахтыы оҥоһулунна, биир мүнүүтэ харастан чуумпу иһийдэ. Саастаах дьоммут бэйэлэрин күүстэринэн пааматынньык тула хаарын ыраастаатылар, арыылаах алаадьынан сирдэрин аһаттылар. Бу ыар сыллар тустарынан олохтоох библиотека иһитиннэрии оҥордо, биктэриинэ, оонньуу ыытта, кинигэ, сурунаал уларыста. Мустубут дьон ирэ-хоро кэпсэтэн,   дуоһуйан, астынан тарҕастылар.

Информация о материале

Автор: Super User

Тохсунньу 24,27 күннэригэр Дүпсүҥҥэ «Сардаҥа» оҕо уһуйааныгар, И.Н.Жирков аатынан орто оскуолатын 10 кылааһын  үөрэнээччилэригэр Аҕа Дойду Улуу сэриитин 80 сыллаах үбүлүөйүн көрсө  «900 күн-Ленинград куорат», “Таня Савичева дневнига”, Дүпсүн нэһилиэгиттэн куорат көмүскэлигэр сылдьыбыт буойуттар тустарынан кэпсиир библиотечнай уруоктар, быыстапка буолан ааста. Оҕолор олус интириэһиргээн иһиттилэр, түмүгэр  боппуруос бэрсэн ырытыыһыы буолла. Олохторун толук уурбут хорсун буойуттарбытыгар үйэ-саас тухары Албан Аат! Ким да умнуллубат! Туох да умнуллубат!